Son moitas as borrascas polas cales nos vemos afectados na comunidade Galega ao longo de todo o ano, as que nos traen as frontes e as precipitacións que serven para que Galicia sexa tan verde e a que, en termos xerais, a comunidade autónoma da Península Ibérica na que máis chove.
Sigue leyendo
O Sábado 24 de Abril en Galicia foi moi animado. Xa fai uns días, comentaba nas redes sociais que a segunda metade do mes de Abril podería ser máis revolta, debido á chegada de pequenos centros de baixas presións dende o Atlántico, con aire frío en altura. Iso, sempre é sinónimo de inestabilidade, pero máis nesta época. A natureza odia os desaxustes e todo tende a compensalo, por iso, cando hai grandes diferenzas entre a temperatura da superficie e a das capas altas da atmosfera, hai enerxía suficiente como para que se formen grandes nubes que den lugar a treboadas e chaparróns fortes.
Sigue leyendo
A verdade é que este Inverno xa está a ser catalogado por moita xente como «dos de antes». Aos meus 25 anos, non vivín un Inverno aínda como dos que falan os maiores, pero a verdade é que este non está a ser para nada aburrido, ao contrario, está sendo como ten que ser, movido.
O Inverno meteorolóxico comezou o 1 de Decembro e durará ata o 28 de Febreiro, incluído. Levamos un 90% del e nestas semanas tivemos de todo, frío, neve, temporais de vento, de chuvia, de mar, xeadas, pero sen dúbida o máis noticiable dos últimos días, é a gran cantidade de auga que está caendo, ímolo ver en datos. Os gráficos do comezo do artigo, dispoñibles na páxina de AEMET , amosan a evolución da chuvia acumulada no Inverno presente (liña vermella) xunto coa media do acumulado en ditas semanas entre os anos 1981-2010, gráficos de Coruña, Lugo aeroporto, Ourense, Pontevedra, Santiago de Compostela e aeroporto de Vigo.
Xa se lle escoita a moita xente dicir que este Inverno está a ser coma os de antes, moi variado, con frío, chuvias, xeadas, sol, nevaradas, temporais de vento e de mar, vamos moi entretido meteoroloxicamente falando. E sí, o certo é que dende aquel primeiro episodio de nevaradas que tivemos o 4-5 de Decembro, a meteoroloxía está a ser moi variada, mesmo tivemos unha vaga de frío prolongada no tempo dende días antes de fin de ano ata ben entrado Xaneiro. Pero a dinámica das últimas semanas está a ser de tempo totalmente Atlántico: situacións de ventos do suroeste, chegada de frontes e chuvias.
Sigue leyendo
Dende que comezou o Inverno meteorolóxico, o 1 de Decembro, tivemos de todo, tal e como debe de ser nesta estación. A primeiros do derradeiro mes do ano, unha entrada moi fría do noroeste deixou nevaradas moi copiosas en cotas medias do norte Peninsular, e foi seguida de semanas de chuvias que acumularon moita cantidade de auga nas provincias Atlánticas, resultando o mes mais chuvioso do ano a nivel xeral. Xa a partir do Nadal, o aire frío volveu facer acto de presenza, e a día de hoxe aínda o temos con nós, e aínda vai dar que falar.
Sigue leyendo
Ben certo é que as derradeiras semanas se por algo estiveron caracterizadas foi pola ausencia total de tempo propio desta época do ano. Vimos de rematar un Novembro que seguramente, nos informes mensuais que remitirán as axencias oficiais dentro duns días, apareza como cálido, xa que as temperaturas foron moi elevadas, con rexistros de ata 24ºC o pasado Luns, por exemplo, na cidade de Pontevedra, algo que é totalmente anormal estando a piques de rematar o ano.
Sigue leyendo
Seguramente, moit@s de vós vos preguntástedes, algunha vez, o por qué da formación dos bancos de néboa durante as noites, sobretodo nos lugares baixos e chás. Isto é máis notorio nos meses Invernais, cando a humidade adoita ser maior, e temos menos horas de luz. A veces, incluso, estas néboas poden durar moito, xa non un día enteiro, senon máis!
Sigue leyendo
A quen non lle chamou a atención, algunha vez da súa vida, a forma que tiña unha nube? Esos xiros tan extraños e peculiares que teñen, esa dispersión de cores, que tanto nos sorprende e que, se temos a man unha cámara, non dubidamos un segundo en poder inmortalizar a beleza que temos ante os nosos ollos. A verdade é que eu son o primeiro que fai iso. Xa, cando era pequeno, gustábame moito sentarme en calquer sitio da miña horta a observar o comportamento que tiñan, e, creédeme, apréndese moito sobre o futuro tempo que nos agarda.
Sigue leyendo
Se por algo se caracterizou o mes de Abril na localidade Pontevedresa de Campo Lameiro, así como en xeral, en toda Galicia, foi pola variabilidade atmosférica, propia desta época Primaveral. O mes de Abril fixo honra ao seu refrán máis sonado: En Abril, augas mil. E así foi, xa que acumulamos moita cantidade de chuvia.
Sigue leyendo
Abril quere facer honra ao refrán que leva o seu nome: Abril, augas mil. Levamos xa varias semanas con tempo inestable, o anticiclón non é quen, de momento, de gañarlle a partida ás diversas borrascas e bolsas de aire frío que pululan polo sur de Europa, e semella que vai seguir así bastantes días máis, pero con algúns matices.
Sigue leyendo
REDMETEO 