REFLEXIÓNS EN TEMPOS DE CORONAVIRUS

A día de hoxe, xa levaría tempo rompéndome a cabeza sobre como se comportaría o tempo en Semana Santa, cando sempre acostuma ser moi complexo de pronosticar. Por desgraza, este ano non é así e non estamos “a tope” con todo isto da meteoroloxía, debido a un monstruo microscópico que mudou o noso estilo de vida por completo. A verdade, non sei, nin eu nin ninguén, cando volveremos recuperar a normalidade coa que vivíamos antes na súa totalidade, se e que a recuperamos algún día tal e como a coñecíamos. Teño 24 anos, o 80% do meu tempo cotiá estaba fora da casa, entre o traballo que xa son 8 horas diarias, e os adestramentos, ao estar federado en atletismo, practicamente só estaba na casa pola noite. E claro, o cambio de non estar na casa a ter que estalo por obrigación é tremendo, tanto a nivel físico como a nivel mental.

Para tod@s, para tod@s está sendo duro, moi duro, pero xa van alá 3 semanas de cuarentena, e moi pouco a pouco, os datos xa comezan a mellorar. Agora, que temos moito tempo libre na casa, podemos darlle voltas a todo isto e a todo o que estabamos facendo mal nas nosas vidas. E voume ao apartado de VIVIR, como tal. A meirande parte da xente queixase de que ten que levantarse moi cedo para ir a traballar a un traballo que non lle gusta, de ter que saír da casa por obrigación, De ter a obrigación de facer deporte, para cumplir con “x” meta que ti te puxeches. Moitas veces, se cambias unha palabra que dis moitas veces na túa vida diaria, por outra, a cousa pode dar un xiro de 180º. Hai que aprender a cambiar a palabra “obrigación” por “oportunidade”.Non é o mesmo dicir “teño a obriga de ir traballar” ca dicir “teño a oportunidade de ir a traballar”. Hai que aprender a diferenciar ese tipo de cousas, agora que estamos encerrados dámonos conta do valor que ten o noso día a día, nesas pequenas cousas que pasaban desapercibidas pero que botamos de menos agora. No meu caso, gústame ir de compras e vestir ben, pero agora non boto de menos eso, boto de menos poder dar o meu paseo de media hora polas mañás antes de ir traballar, boto de menos poder entrenar e correr ao aire libre por onde eu quixera, boto de menos esa cervexa ao remate dun día duro, boto de menos as verbenas, @s amig@s, quedar con xente, visitar e descubrir lugares, paisaxes, sitios, descrubrir persoas, boto de menos eses cubatas a carón dunha orquestra, boto de menos a vida, a vida que eu tiña e que tanto quería.

E agora, que aínda nos quedan varias semanas máis de restricción da movilidade, podemos facer dúas cousas. Unha, seguir criticando a todo canto se mova, porque si, o goberno fixo moitas cousas mal, pero criticando non se consegue nada nestes tempos que corren, nada. A min non me gustaría estar na pel do presidente do goberno, dende o teclado é moi fácil falar e dirixir, pero ponte ti aí, fronte a todo un país nunha situación nunca antes vista. Cometéronse moitos erros, eso é innegable e hai que reprochalo, pero agora non é o momento, é o momento de estar todos a unha, o enemigo é común, de que ostia vale o que ti critiques? Pensa o que podes facer ti para axudar, a pequena, a máis pequena cousa que penses que sexa bo para os demais, xa vale. Polo tanto, tes dúas opcións. Ou seguir criticando, lamentándote cada día que pasa (que é entendible, ollo), ou bueno, aceptalo, tomalo como algo que vai pasar, preguntándote qué podo aprender eu de todo isto? Tomalo como unha etapa de crecemento persoal, por qué non? A día de hoxe, con todas as vantaxes comunicativas que temos por medio de internet, é imposible aburrirse! No meu caso, estou aproveitando para leer máis e aprender a coller rutina de exercicios na casa, cousa esta última que antes non facía.

Tomao como algo que vai pasar, é duro para tod@s, non para ti só. Veña, ánimo, en nada, cando menos o esperemos, estamos facendo o que máis nos gusta.

SORRÍ, O MUNDO PRECISA MÁIS DESO

MARZO 2020 EN CAMPO LAMEIRO

O mes de Marzo en Campo Lameiro caracterizouse pola chegada de diversas frontes Atlánticas que, nos primeiros días do mes, deixando o 80% do acumulado total mensual. Así pois, nos primeiros días do mes, xa caeran 222 mm de chuvia. A persistencia e a intensidade das precipitacións, provocou que se dera ese gran acumulado en pouco tempo. O acumulado mensual foi, finalmente, de 250 mm. No resto do mes, chegou algunha que outra fronte que foi subindo a cantidade total paseniñamente, pero, como xa digo, a maior parte da precipitación mensual deuse a comezos do mes.

Sigue leyendo

ACUSADO DESCENSO TÉRMICO PARA REMATAR MARZO

Ben é certo que este pasado Inverno que vimos de rematar vai uns días, non se comportou como tal, xa que tanto o frío e por suposto a neve brillaron pola súa ausencia. O anticiclón que tivemos bastante pegado á Península Ibérica e as continuas situacións de ventos do sur que nos deixaban auga en Galicia, no resto do país o tempo era solleiro e con ambiente moi morno, con temperaturas altas para a época do ano. As situacións de ventos do norte, este ano, andiveron desaparecidas.

Sigue leyendo

Estudo sobre as situacións típicas de treboadas en Galicia. 1ª parte.

Captura

É nesta época cando as masas de aire cálido comezan a subir de latitude, afectando de cheo á Península Ibérica elevando as temperaturas máximas por riba dos 25-30ºC. É esta calor, entre outros moitos factores, o responsable de que, tras unha mañá, poñamos de Xuño, despexada, a partir da hora de comer o ceo comece a estar decorado por pequenas nubes das que nun principio non habería nada que temer, pero que se temos as condicións idoneas, esas pequenas nubeciñas comezan a medrar e a medrar convertíndose en pouco tempo nunha xigantesca nube de treboada que a non moito tardar comezará a descargar un chaparrón intenso acompañado de lóstregos e saraiba, mesmo pedrazo en moitos casos.

Sigue leyendo

ENTROIDO 2020: QUÉ TEMPO FARÁ?

A verdade é que este Inverno está a ser un dos máis aburridos, meteroloxicamente falando, dos últimos anos, xa que, se quitamos as precipitacións que tivemos ata Xaneiro, que non foron especialmente intensas, a neve non fixo acto de presenza tal e como correspondería, non houbo nada destacable en canto a frío se refire, polo menos de momento, xa se sabe que, ata o 40 de Maio non te quite-lo saio!

Sigue leyendo

Remiten as chuvias, chega o anticiclón

Imaxe de satélite visible das 9:00 UTC do 18/8/2019

Se por algo se está caracterizando este Verán en Galicia é pola ausencia de episodios fortes de calor, polo menos ata o momento. Certo é que a temperatura media vai no agardado, no que viría sendo normal, pero moita culpa téñena as mínimas moi suaves que se están dando moitos días pola presenza de nubes que non deixan baixar moito os valores nocturnos.

Sigue leyendo

Dos calores de Marzo, aos fríos de Abril

Modelo GFS para o vindeiro Venres 5 de Abril. Amósase a descarga de aire frío. Gráficos por David Domínguez

Vimos de rematar un Inverno que non se comportou como tal. Para que vos fagades unha idea do extraño que foi, a invasión de aire frío máis potente que tivemos dende o Verán pasado deuse a finais de Outubro!, foi aquí cando cairon moitos récords de temperaturas baixas para un mes de Outubro, xa que ese episodio foi moito para a época, con nevaradas en cotas baixas no Cantábrico. A partir de aí, aínda que choveu, especialmente en Novembro, foi un Inverno cálido e seco, con poucas borrascas activas, pero, iso sí, xeadas en moitas zonas. En definitiva, un Inverno totalmente oposto ao de 2018, cando choveu arreo, e tivemos episodios de frío e neve cando tocaba.

Sigue leyendo

Semana anticiclónica por diante con ascenso das temperaturas

Configuración prevista para mediados de semana a nivel Europeo. Modelo ECMWF.

Vimos dunha semana que, nun primeiro momento foi seca, pero tal e como adiantaba había risco de que nos chegase algunha que outra fronte. A primeira foi feble e afectounos na noite do Mércores e na madrugada do Xoves, con pobres acumulados de auga, pero a segunda e última xa foi máis activa e na madrugada do Domingo deixou cantidades xa máis altas no oeste da comunidade, ata 44 l/m2 se acumularon en Fontecada (Santa Comba) con refachos de vento intensos, que chegaron a 144 km/h en Penedo do Galo, en Viveiro. Pero agora cambia a dinámica, o anticiclón muda de posición e afectaranos de cheo.

Sigue leyendo

Situación adversa nos vindeiros días. Chuvia, vento, neve, e mala mar

Presión en superficie e refachos de vento na madrugada do Venres 1 de Febreiro

Tras unha primeira quincena de Xaneiro marcada polas altas presións, xornadas nas que dominaron os ceos despexados, sen chuvias, con temperaturas máis ou menos agradables durante o día pero con fortes xeadas polas noites, esta 2ª quincena de mes está sendo xa máis movida con entrada de frontes que, agás a de hoxe, de momento non foron moi activas e deixaron, en xeral, pouca cantidade de chuvia.

Sigue leyendo

O RÍAS EFFECT. De como a orografía das Rías Baixas inflúe nos acumulados de chuvia.

Infografía de como o Rías Effect afecta ao prelitoral das Rías Baixas

A orografía de Galicia é moi complexa, con múltiples montes que rodean zonas moi baixas. É habitual ir por unha zona digamos, máis ou menos chá, e aos lados ter montes de máis de 500 ou 600 metros. Esta orografía e relieve tan abrupto ten moito que ver na distribución das chuvias en Galicia, con grandes contrastes, tanto térmicos coma pluviómetricos, entre unhas zonas e outras podendo toparse a menos de 5 km de distancia, por exemplo.

Ler máis