A PLUVIOMETRÍA NO INVERNO 2020-2021 NAS PRINCIPAIS VILAS GALEGAS


A verdade é que este Inverno xa está a ser catalogado por moita xente como “dos de antes”. Aos meus 25 anos, non vivín un Inverno aínda como dos que falan os maiores, pero a verdade é que este non está a ser para nada aburrido, ao contrario, está sendo como ten que ser, movido.


O Inverno meteorolóxico comezou o 1 de Decembro e durará ata o 28 de Febreiro, incluído. Levamos un 90% del e nestas semanas tivemos de todo, frío, neve, temporais de vento, de chuvia, de mar, xeadas, pero sen dúbida o máis noticiable dos últimos días, é a gran cantidade de auga que está caendo, ímolo ver en datos. Os gráficos do comezo do artigo, dispoñibles na páxina de AEMET , amosan a evolución da chuvia acumulada no Inverno presente (liña vermella) xunto coa media do acumulado en ditas semanas entre os anos 1981-2010, gráficos de Coruña, Lugo aeroporto, Ourense, Pontevedra, Santiago de Compostela e aeroporto de Vigo.

Sigue leyendo

DERRADEIRA SEMANA DE ABRIL MARCADA POLA CHUVIA

Posición da borrasca e precipitacións previstas para o Mércores 29 de Abril

Abril quere facer honra ao refrán que leva o seu nome: Abril, augas mil. Levamos xa varias semanas con tempo inestable, o anticiclón non é quen, de momento, de gañarlle a partida ás diversas borrascas e bolsas de aire frío que pululan polo sur de Europa, e semella que vai seguir así bastantes días máis, pero con algúns matices.

Sigue leyendo

SEMANA INESTABLE POR DIANTE

Portada
Imaxe EUMETSAT das masas de aire. Hora 11:30 do Domingo 12 de Abril

Pasado o Inverno, chega a Primavera. Moitas pequenas borrascas que no periodo Invernal non nos afectarían tanto, a partir de Marzo, xa comezan a ter máis consecuencias. Estamos falando do aire frío en altura que se xunta co aire cálido que se sitúa na superficie debido ao sol que xa comeza a quentar. Este contraste térmico entre as capas baixas e as altas, provoca o que se chama “inestabilidade” como tal. O aire cálido, ascende, e vai topando temperaturas cada vez máis baixas. Este fenómeno denomínase “convección”, o proceso polo cal o aire cálido comeza a subir a altitudes máis altas. Se a inestabilidade é acusada, fórmanse grandes nubes que descargarán treboadas.

Sigue leyendo

REFLEXIÓNS EN TEMPOS DE CORONAVIRUS

A día de hoxe, xa levaría tempo rompéndome a cabeza sobre como se comportaría o tempo en Semana Santa, cando sempre acostuma ser moi complexo de pronosticar. Por desgraza, este ano non é así e non estamos “a tope” con todo isto da meteoroloxía, debido a un monstruo microscópico que mudou o noso estilo de vida por completo. A verdade, non sei, nin eu nin ninguén, cando volveremos recuperar a normalidade coa que vivíamos antes na súa totalidade, se e que a recuperamos algún día tal e como a coñecíamos. Teño 24 anos, o 80% do meu tempo cotiá estaba fora da casa, entre o traballo que xa son 8 horas diarias, e os adestramentos, ao estar federado en atletismo, practicamente só estaba na casa pola noite. E claro, o cambio de non estar na casa a ter que estalo por obrigación é tremendo, tanto a nivel físico como a nivel mental.

Para tod@s, para tod@s está sendo duro, moi duro, pero xa van alá 3 semanas de cuarentena, e moi pouco a pouco, os datos xa comezan a mellorar. Agora, que temos moito tempo libre na casa, podemos darlle voltas a todo isto e a todo o que estabamos facendo mal nas nosas vidas. E voume ao apartado de VIVIR, como tal. A meirande parte da xente queixase de que ten que levantarse moi cedo para ir a traballar a un traballo que non lle gusta, de ter que saír da casa por obrigación, De ter a obrigación de facer deporte, para cumplir con “x” meta que ti te puxeches. Moitas veces, se cambias unha palabra que dis moitas veces na túa vida diaria, por outra, a cousa pode dar un xiro de 180º. Hai que aprender a cambiar a palabra “obrigación” por “oportunidade”.Non é o mesmo dicir “teño a obriga de ir traballar” ca dicir “teño a oportunidade de ir a traballar”. Hai que aprender a diferenciar ese tipo de cousas, agora que estamos encerrados dámonos conta do valor que ten o noso día a día, nesas pequenas cousas que pasaban desapercibidas pero que botamos de menos agora. No meu caso, gústame ir de compras e vestir ben, pero agora non boto de menos eso, boto de menos poder dar o meu paseo de media hora polas mañás antes de ir traballar, boto de menos poder entrenar e correr ao aire libre por onde eu quixera, boto de menos esa cervexa ao remate dun día duro, boto de menos as verbenas, @s amig@s, quedar con xente, visitar e descubrir lugares, paisaxes, sitios, descrubrir persoas, boto de menos eses cubatas a carón dunha orquestra, boto de menos a vida, a vida que eu tiña e que tanto quería.

E agora, que aínda nos quedan varias semanas máis de restricción da movilidade, podemos facer dúas cousas. Unha, seguir criticando a todo canto se mova, porque si, o goberno fixo moitas cousas mal, pero criticando non se consegue nada nestes tempos que corren, nada. A min non me gustaría estar na pel do presidente do goberno, dende o teclado é moi fácil falar e dirixir, pero ponte ti aí, fronte a todo un país nunha situación nunca antes vista. Cometéronse moitos erros, eso é innegable e hai que reprochalo, pero agora non é o momento, é o momento de estar todos a unha, o enemigo é común, de que ostia vale o que ti critiques? Pensa o que podes facer ti para axudar, a pequena, a máis pequena cousa que penses que sexa bo para os demais, xa vale. Polo tanto, tes dúas opcións. Ou seguir criticando, lamentándote cada día que pasa (que é entendible, ollo), ou bueno, aceptalo, tomalo como algo que vai pasar, preguntándote qué podo aprender eu de todo isto? Tomalo como unha etapa de crecemento persoal, por qué non? A día de hoxe, con todas as vantaxes comunicativas que temos por medio de internet, é imposible aburrirse! No meu caso, estou aproveitando para leer máis e aprender a coller rutina de exercicios na casa, cousa esta última que antes non facía.

Tomao como algo que vai pasar, é duro para tod@s, non para ti só. Veña, ánimo, en nada, cando menos o esperemos, estamos facendo o que máis nos gusta.

SORRÍ, O MUNDO PRECISA MÁIS DESO

Setembro en Galicia: moi cálido e moi seco

Ao igual que acontecerá no pasado mes de Agosto, as altas presións e a ausencia de bolsas de aire frío en altura e pequenas borrascas contribuiron a que a maior parte do tempo na comunidade a situación meteorolóxica fora estable. A posición do centro de altas presións ao norte da Península bloquea por completo a chegada das borrascas, desviandoas cara latitudes máis norteñas. Isto que comento vémolo perfectamente na análise do xeopotencial a 500 hpa dominante en Setembro en Europa:

Sigue leyendo

A calor chega de golpe: Unha vaga de calor afectará á Península a partir do Mércores

t850_102

Temperatura a 850 hpa prevista polo modelo GFS para o Venres.

Este tempo fresco e húmido, sen grandes calores, que viñamos tendo ata agora, polo que se caracterizou o que levamos de Verán, semella que chega ao seu fin. A partir de mañá comezaremos a estar influenciados por unha potente dorsal anticiclónica que nos traerá moita calor procedente do continente Africano, tal e como vedes na imaxe que encabeza este artigo. O mapa mostra a temperatura a 850 hpa (1500 metros de altitude) prevista polo modelo GFS para o Venres. Vemos como as cores cálidas se apoderan do sur de Europa pero especialmente da Península Ibérica, xa que será por aquí por onde entre toda esa lingua de aire cálido. No suroeste e oeste da Península, a ese nivel de 850 hpa, acadaranse temperaturas de 24-27ºC, son valores moi, moi altos para esa altitude, e isto tradúcese en superficie, alí onde os ventos mariños non supoñan un problema, é dicir, no interior, valores de 40ºC de temperatura máxima ou máis durante varias xornadas, polo tanto hai que estar moi pendentes.

HLQy6l3WKk

Evolución da anomalía da temperatura a 850 hpa

A animación que vedes á esquerda, mostra a evolución da anomalía da temperatura a 850 hpa ata o vindeiro Luns. Vendo ese mapa, creo que o tema está bastante claro. Anomalías cálidas moi potentes a esta altura sobre o oeste Penínsular, pero especialmente no noroeste, isto danos unha idea da rareza de que nos visiten estas ISOS (valores de temperatura a 850 hpa) aos que vivimos no noroeste de España, non é moi habitual ver case a iso 28ºC chegar a Galicia, pero na comunidade, agás no interior, a temperatura máxima que finalmente se acade depende moito do vento en superficie, xa que estamos rodeados de mar e a influenza das brisas pode facer que a máxima se acade moi cedo, para despois ir baixando e posteriormente, a última hora, volver a subir co cambio de vento de terra a mar, é algo moi habitual este proceso.

anim_wrf_arw_det_d03_temp_sfc

Evolución das temperaturas en superficie dende o Martes ata o Venres. Modelo WRF.

Polo tanto, con esta situación o que hai que agardar é un ascenso moi notable das temperaturas a partir do Mércores con máximas que o Xoves xa poderían chegar aos 40ºC no Miño de Ourense, así como tamén noutras zonas baixas do interior Galego. Como vedes na animación, ollo tamén ás temperaturas mínimas, xa que a masa de aire cálido é moi potente, e non só fará calor polo día, senon tamén pola noite, con moitas mínimas tropicais (mínima por riba dos 20ºC), especialmente no suroeste de Galicia onde tamén non se descarta que nas zonas máis habituáis non se baixe dos 25ºC (noite ecuatorial). A zona coa temperatura máis baixa neste episodio? Como case sempre, a Mariña, pero por alí tamén se espera un ascenso térmico pero con valores moito máis suaves que no resto da comunidade. Esta vaga de calor, aínda que non está claro de momento, pode durar ata o Domingo-Luns para despois ir baixando pouco a pouco a temperatura coa chegada de frescor marítimo, pero non está moi claro de momento.

Tanto na conta de Twitter coma de Facebook que teño dispoñible estaredes informad@s a diario do que o tempo nos vaia presentando e das últimas actualizacións dos modelos e pronósticos, tanto para Galicia como para o resto da Península Ibérica.