A SEMANA COMEZARÁ CON CHUVIAS

Imaxe do satélite visible das 14:30 h deste Domingo.

Xa se lle escoita a moita xente dicir que este Inverno está a ser coma os de antes, moi variado, con frío, chuvias, xeadas, sol, nevaradas, temporais de vento e de mar, vamos moi entretido meteoroloxicamente falando. E sí, o certo é que dende aquel primeiro episodio de nevaradas que tivemos o 4-5 de Decembro, a meteoroloxía está a ser moi variada, mesmo tivemos unha vaga de frío prolongada no tempo dende días antes de fin de ano ata ben entrado Xaneiro. Pero a dinámica das últimas semanas está a ser de tempo totalmente Atlántico: situacións de ventos do suroeste, chegada de frontes e chuvias.

Sigue leyendo

O FRÍO E A NEVE SEGUIRÁN SENDO NOTICIA

MeteoGráfico no que vos detallo os diversos factores que nos están a traer este tempo tan frío no comezo do 2021.

Dende que comezou o Inverno meteorolóxico, o 1 de Decembro, tivemos de todo, tal e como debe de ser nesta estación. A primeiros do derradeiro mes do ano, unha entrada moi fría do noroeste deixou nevaradas moi copiosas en cotas medias do norte Peninsular, e foi seguida de semanas de chuvias que acumularon moita cantidade de auga nas provincias Atlánticas, resultando o mes mais chuvioso do ano a nivel xeral. Xa a partir do Nadal, o aire frío volveu facer acto de presenza, e a día de hoxe aínda o temos con nós, e aínda vai dar que falar.

Sigue leyendo

CHEGAN O FRÍO E A NEVE A GALICIA

Descarga de aire frío polar marítimo procedente de Groelandia.

Ben certo é que as derradeiras semanas se por algo estiveron caracterizadas foi pola ausencia total de tempo propio desta época do ano. Vimos de rematar un Novembro que seguramente, nos informes mensuais que remitirán as axencias oficiais dentro duns días, apareza como cálido, xa que as temperaturas foron moi elevadas, con rexistros de ata 24ºC o pasado Luns, por exemplo, na cidade de Pontevedra, algo que é totalmente anormal estando a piques de rematar o ano.

Sigue leyendo

DERRADEIRA SEMANA DE ABRIL MARCADA POLA CHUVIA

Posición da borrasca e precipitacións previstas para o Mércores 29 de Abril

Abril quere facer honra ao refrán que leva o seu nome: Abril, augas mil. Levamos xa varias semanas con tempo inestable, o anticiclón non é quen, de momento, de gañarlle a partida ás diversas borrascas e bolsas de aire frío que pululan polo sur de Europa, e semella que vai seguir así bastantes días máis, pero con algúns matices.

Sigue leyendo

SEMANA INESTABLE POR DIANTE

Portada
Imaxe EUMETSAT das masas de aire. Hora 11:30 do Domingo 12 de Abril

Pasado o Inverno, chega a Primavera. Moitas pequenas borrascas que no periodo Invernal non nos afectarían tanto, a partir de Marzo, xa comezan a ter máis consecuencias. Estamos falando do aire frío en altura que se xunta co aire cálido que se sitúa na superficie debido ao sol que xa comeza a quentar. Este contraste térmico entre as capas baixas e as altas, provoca o que se chama “inestabilidade” como tal. O aire cálido, ascende, e vai topando temperaturas cada vez máis baixas. Este fenómeno denomínase “convección”, o proceso polo cal o aire cálido comeza a subir a altitudes máis altas. Se a inestabilidade é acusada, fórmanse grandes nubes que descargarán treboadas.

Sigue leyendo

ACUSADO DESCENSO TÉRMICO PARA REMATAR MARZO

Ben é certo que este pasado Inverno que vimos de rematar vai uns días, non se comportou como tal, xa que tanto o frío e por suposto a neve brillaron pola súa ausencia. O anticiclón que tivemos bastante pegado á Península Ibérica e as continuas situacións de ventos do sur que nos deixaban auga en Galicia, no resto do país o tempo era solleiro e con ambiente moi morno, con temperaturas altas para a época do ano. As situacións de ventos do norte, este ano, andiveron desaparecidas.

Sigue leyendo

Remiten as chuvias, chega o anticiclón

Imaxe de satélite visible das 9:00 UTC do 18/8/2019

Se por algo se está caracterizando este Verán en Galicia é pola ausencia de episodios fortes de calor, polo menos ata o momento. Certo é que a temperatura media vai no agardado, no que viría sendo normal, pero moita culpa téñena as mínimas moi suaves que se están dando moitos días pola presenza de nubes que non deixan baixar moito os valores nocturnos.

Sigue leyendo

Situación Atlántica en camiño: sucesión de frontes e chuvias

meteosat-msg_airmass_overlay-ne_10m_coastline_overlay-ne_10m_admin_0_boundary_lines_land

Imaxe de satélite das masas de aire na mañanciña do Mércores 12 de Decembro

Este mes de Decembro está vindo marcado pola ausencia de períodos de frío propio da época do ano. O anticiclón, que colleu forza e está anclado ao sur Peninsular, non permite que teñamos entradas de vento do norte nin unha circulación máis meridional. Pero tampouco é nada raro, neste mes é habitual que a circulación zonal, de oeste a leste, colla forza e Decembro sexa un mes anticiclónico en boa parte da Península agás, coma case sempre, no extremo norte e especialmente no noroeste Peninsular, e como consecuencia, en Galicia.

Sigue leyendo

Cambio de patrón: chega a chuvia e o fresco

Captura

Imaxe das masas de aire. Mañá do 10 de Outubro, na que vemos en primeiro plano ao furacán Leslie. Nun principio semellaba que podería achegarse á Península, pero xusto antes de chegar, virará cara o sur e seguirá no Atlántico.

Tras un comezo de Outubro practicamente calcado a como foi o mes de Setembro, con tempo anticiclónico e temperaturas moi altas para a época do ano, con máximas que superaron os 30ºC en moitos puntos, semella que a atmosfera quere normalizarse, con chegada de borrascas e dun tempo máis propio da época na que estamos, con chuvias, vento, e temperaturas máis frescas ca estos días pasados.

Sigue leyendo