AS NUBES, QUÉ SON E COMO SE FORMAN?

A quen non lle chamou a atención, algunha vez da súa vida, a forma que tiña unha nube? Esos xiros tan extraños e peculiares que teñen, esa dispersión de cores, que tanto nos sorprende e que, se temos a man unha cámara, non dubidamos un segundo en poder inmortalizar a beleza que temos ante os nosos ollos. A verdade é que eu son o primeiro que fai iso. Xa, cando era pequeno, gustábame moito sentarme en calquer sitio da miña horta a observar o comportamento que tiñan, e, creédeme, apréndese moito sobre o futuro tempo que nos agarda.

Sigue leyendo

Do “Veroño” ao tempo Invernal

7711_gll1

Infografía basada no modelo GFS. Mapa para o vindeiro Sábado 27, configuración clásica de nortada.

Outubro, de momento, divídise en 3 partes. Unha primeira, na que a protagonista foi a forte calor de comezos de mes, cando as temperaturas acadaron valores de máis de 30ºC en moitos puntos, rexistros máis altos do normal pero que tampouco chegan ao carácter de excepcional, xa que non é raro ver valores así na recta final do Verán. Unha segunda metade, marcada polo descenso marcado das temperaturas e a chegada das precipitacións a mediados de mes, co acontecemento da chegada dos restos do furacán LESLIE á Península, onde os efectos foron especialmente notorios na costa centro de Portugal, con refachos de máis de 170 km/h. E unha terceira metade, que estamos tendo agora mesmo, cun novo periodo anticiclónico e un repunte das temperaturas a valores xa moi altos para a época, e as Rías Baixas foron as que máis notaron este ascenso térmco. Na estación de Pontevedra-Campolongo, no centro da cidade, chegaron a marcar máis de 30ºC o Martes, por exemplo, un valor xa moi alto para estar na recta final de mes.

Sigue leyendo

Cambio de patrón: chega a chuvia e o fresco

Captura

Imaxe das masas de aire. Mañá do 10 de Outubro, na que vemos en primeiro plano ao furacán Leslie. Nun principio semellaba que podería achegarse á Península, pero xusto antes de chegar, virará cara o sur e seguirá no Atlántico.

Tras un comezo de Outubro practicamente calcado a como foi o mes de Setembro, con tempo anticiclónico e temperaturas moi altas para a época do ano, con máximas que superaron os 30ºC en moitos puntos, semella que a atmosfera quere normalizarse, con chegada de borrascas e dun tempo máis propio da época na que estamos, con chuvias, vento, e temperaturas máis frescas ca estos días pasados.

Sigue leyendo

Comezamos o Outono con tempo de Verán

ECMOPEU00_144_1

Configuración prevista polo modelo ECMWF para mediados da semana do 24/30 de Setembro.

Estamos a ter un Setembro marcado pola influencia das altas presións, tan só a comezos de mes, cando chegou algo de aire frío en altura, tivemos algunhas treboadas con temperaturas máis frescas, xunto con estes días pasados, pero o resto das xornadas a verdade é que as temperaturas están a ser cálidas para a época do ano, e semella que así seguiremos coa entrada da nova semana, e do Outono.

Sigue leyendo

A calor chega de golpe: Unha vaga de calor afectará á Península a partir do Mércores

t850_102

Temperatura a 850 hpa prevista polo modelo GFS para o Venres.

Este tempo fresco e húmido, sen grandes calores, que viñamos tendo ata agora, polo que se caracterizou o que levamos de Verán, semella que chega ao seu fin. A partir de mañá comezaremos a estar influenciados por unha potente dorsal anticiclónica que nos traerá moita calor procedente do continente Africano, tal e como vedes na imaxe que encabeza este artigo. O mapa mostra a temperatura a 850 hpa (1500 metros de altitude) prevista polo modelo GFS para o Venres. Vemos como as cores cálidas se apoderan do sur de Europa pero especialmente da Península Ibérica, xa que será por aquí por onde entre toda esa lingua de aire cálido. No suroeste e oeste da Península, a ese nivel de 850 hpa, acadaranse temperaturas de 24-27ºC, son valores moi, moi altos para esa altitude, e isto tradúcese en superficie, alí onde os ventos mariños non supoñan un problema, é dicir, no interior, valores de 40ºC de temperatura máxima ou máis durante varias xornadas, polo tanto hai que estar moi pendentes.

HLQy6l3WKk

Evolución da anomalía da temperatura a 850 hpa

A animación que vedes á esquerda, mostra a evolución da anomalía da temperatura a 850 hpa ata o vindeiro Luns. Vendo ese mapa, creo que o tema está bastante claro. Anomalías cálidas moi potentes a esta altura sobre o oeste Penínsular, pero especialmente no noroeste, isto danos unha idea da rareza de que nos visiten estas ISOS (valores de temperatura a 850 hpa) aos que vivimos no noroeste de España, non é moi habitual ver case a iso 28ºC chegar a Galicia, pero na comunidade, agás no interior, a temperatura máxima que finalmente se acade depende moito do vento en superficie, xa que estamos rodeados de mar e a influenza das brisas pode facer que a máxima se acade moi cedo, para despois ir baixando e posteriormente, a última hora, volver a subir co cambio de vento de terra a mar, é algo moi habitual este proceso.

anim_wrf_arw_det_d03_temp_sfc

Evolución das temperaturas en superficie dende o Martes ata o Venres. Modelo WRF.

Polo tanto, con esta situación o que hai que agardar é un ascenso moi notable das temperaturas a partir do Mércores con máximas que o Xoves xa poderían chegar aos 40ºC no Miño de Ourense, así como tamén noutras zonas baixas do interior Galego. Como vedes na animación, ollo tamén ás temperaturas mínimas, xa que a masa de aire cálido é moi potente, e non só fará calor polo día, senon tamén pola noite, con moitas mínimas tropicais (mínima por riba dos 20ºC), especialmente no suroeste de Galicia onde tamén non se descarta que nas zonas máis habituáis non se baixe dos 25ºC (noite ecuatorial). A zona coa temperatura máis baixa neste episodio? Como case sempre, a Mariña, pero por alí tamén se espera un ascenso térmico pero con valores moito máis suaves que no resto da comunidade. Esta vaga de calor, aínda que non está claro de momento, pode durar ata o Domingo-Luns para despois ir baixando pouco a pouco a temperatura coa chegada de frescor marítimo, pero non está moi claro de momento.

Tanto na conta de Twitter coma de Facebook que teño dispoñible estaredes informad@s a diario do que o tempo nos vaia presentando e das últimas actualizacións dos modelos e pronósticos, tanto para Galicia como para o resto da Península Ibérica.

 

 

Os efectos do nordés en Galicia

image-download

Imaxe do satélite TERRA. 7/7/2018

É unha compoñente de vento das máis habituáis e típicas en Galicia. O nordés, especialmente no Verán, acostuma afectar a toda a comunidade debido ao posicionamento do Anticiclón no Cantábrico, o que instaura unha circulación desta dirección do vento que afecta a Galicia de cheo, pero non a tódalas zonas por igual, tal e como xa sabedes, xa que hai unha gran diferenza entre o norte e sur da comunidade.

Sigue leyendo

Recta final de semana con ascenso das temperaturas e chuvascos no interior

Captura

Imaxe de satélite visible das 12:00 UTC do Xoves 5 de Xullo. Moita nube baixa no norte.

É, seguramente, dos temas máis comentados nas últimas xornadas, onde está o Verán? Dende que comezou o Verán meteorolóxico, alá polo 1 de Xuño, só tivemos un episodio de calor a mediados do pasado mes, o resto do tempo, en maior ou menor medida, estivemos influenciados pola presenza de pequenos centros de baixa presión que se situaban moi preto da Península e que, a parte de inestabilizar a atmosfera con chuvascos e treboadas, que están a ser a tónica dominante no interior Galego, tamén nos traen temperaturas frescas para a época do ano, xa que o vento do oeste arrastra aire húmido e fresco procedente do mar.

Sigue leyendo

Cambiamos as chuvias, polo frío

t850_96

Temperatura a 850 hpa prevista polo modelo ECMWF para o día de Reis

Rematamos 2017 tal e como adiantara nun dos derradeiros artigos que publicara no blog, xa que antes de comezar o Nadal, xa se vía clara unha tendencia a vento do oeste/suroeste para a recta final de ano que nos deixaría precipitacións, e así foi, acumulando cantidades bastante decentes, que maquillan un pouco como foi o ano, xa que estivo marcado por un déficit de chuvias moi importante, cunha seca de tal importancia que tivo que haber restriccións de auga en bastantes pobos de Galicia, pero semella que pouco a pouco imos volvendo á normalidade e ao típico tempo Galego.

Sigue leyendo

Semana marcada pola estabilidade e posibles cambios para rematar o ano.

web_mslp_GFS00_p_06

Imaxe de satélite infravermella das 06:00 h desta mañá.

Este Outono estaba sendo do máis aburrido ata que chegou Decembro e cambiou a dinámica por completo. Chegaron as xeadas, o tempo propio da época e xusto despois chegou o primeiro gran temporal da tempada, a borrasca “ANA” deixaba rexistros de chuvia de máis de 200 l/m2 en 24 horas o pasado Domingo 10. En A Lama, no interior de Pontevedra, caían esa xornada 232 l/m2, un acumulado que era RÉCORD de precipitación máxima rexistrada en Galicia nun día, e dicir, nunca houbo unha xornada tan chuviosa dende que hai datos. Tras esa histórica xornada, viñeron días de chuvias pero menos intensas.

Sigue leyendo

Comeza unha semana marcada polo frío

ECMWF 850 HPA

Temperatura a 850 hpa prevista polo modelo ECMWF para o Mércores 29

Tralas chuvias que nos afectaron esta semana, precipitacións que foron moi ben recibidas polo campo, xa que en bastantes zonas caeron máis de 70-80 l/m2, semella que entraremos nun novo período seco que, agardemos, non se alargue moito no tempo. Para comezar, a semana que comezaremos mañá estará marcada polo réxime de vento do norte. Isto a Galicia non acostuma a traer moita auga, tan só a metade norte verá chover por veces pero de xeito feble e intermitente. Sigue leyendo